EXCURSIÓN Á GRANXA-ESCOLA DE BELELLE

Aínda que temos moitas cousiñas que contarvos do que estamos a facer estas semanas na escola... sabemos que estades desexando ver o ben que o pasamos hoxe na excursión.
Aquí vai un adianto, non hai moitas porque os nenos están divididos en grupos e non se poden facer fotos ao tempo en tódolos obradoiros.
Ninguén se mareou no autobús!!!!!! Somos uns campións!!!!! E á volta moitos viñemos tan derreados que case a metade do bus durmía (e ata algún roncaba :)
Hoxe pasámolo moi ben:
- Fomos cos compis en autobús
- Levamos as nosas mochilas coa comidiña (papis, non nos carguedes tanto!!!! as profes xa avisaron do que había que levar e algúns levábamos comida para 3 ou 4 días...)
- Vimos moitos animais (cans, castróns, chama, dromedario, monos, lebre da Patagonia, burriños, cabalos, ponis, avestruz, pavo real, rulas...)
- Axudamos a darlles de comer a algúns animais
- Fixemos pan
- Montamos en poni
- Prantamos chícharos (mañá os levaremos para casa)
- Cantamos no autobús...
Así que... con este pedazo día soleado que tivemos o único que podemos dicir é que
HOXE FOI UN DÍA XENIAL!!!!

E así nos despedimos ata outra ocasión que podamos voltar a este recunchiño tan preto e tan chulo onde seguro seguiremos aprendendo moreas de cousas en cada nova visita.

LEMBRANDO E AFIANZANDO COUSIÑAS... E CON TODO PREPARADO PARA CONTINUAR EXPERMIENTANDO E APRENDENDO

Por suposto, moitos xa nos lembrábamos dalgúns datos por telos comentado en días anteriores, pero nunca está de máis repetir as cousas para afianzalas.
Así que nos encantou ver o traballiño que fixo Roi e co cal nós íamos descifrando as cousas unha a unha.

Se vos fixades nas fotos este recuncho non fai máis que medrar, cada vez temos máis materiais, e moitas, moitísimas gañas de investigar.  Por iso, estade atentos que seguro que moi pronto vos traemos novidades.

ÁRBORES XIGANTES DENTRO DA NOSA CLASE

Como vimos nun libro que nos trouxo Daniella... ata as árbores máis grandes e maxestuosas nacen dunha pequena semente.
Pero aínda así nos sorprendeu moitísimo (á profe tamén) ver un "bebé eucalipto dun 1 día" con esa cor vermella e negra que parece unha flor, outro duns pouquiños días xa máis grandiño e cunhas follas que parece un trébol de 4 follas, e outros máis grandes que medimos e son case que iguais. Iremos medíndoos a miúdo para ver como medran. De momento 14 e 15 centímetros os grandes, pero poden chegar a medir ata 60 metros, e disque hai anos houbo algún de 150 m. según limos na Wikipedia.
De aquí a final de curso, canto credes que medrarán?
Mirade aquí como soen ser os eucaliptos; altos e delgadiños:

E aquí como moi pretiño, en Viveiro, podemos ver no eucaliptal de Chavín un eucalipto xigante (chámalle o avó) que ten un tronco moi, moi ancho.

Fúchedes a velo algunha vez?

PROBAMOS A PRANTAR ALGUNHA SEMENTE E TAMÉN XA PRANTAS CON RAÍZ

Así vimos tamén xa as raíces (pelitos como dicían el@s) e sabemos que é por onde se alimentan e beben as prantas para poder medrar. sabemos que tamén teñen un talo e follas.
Como xa probamos con outras cousiñas sabíamos perfectamente que o cebolín precisaría terra, auga e luz do Sol, así que... puxémonos mans á obra e xa o temos moi dereitiño ao lado da nosa ventana.

LIMPAMOS UN TERREO... BUSCAMOS BICHIÑOS... E ATOPÁMONOS CUNHA SORPRESA: MOITÍSIMOS CARACOIS!!!!

Así que... igual de motivados que saimos da clase sabemos que íamos a dar un paseo polo cole ata chegar a unha porta secreta que daba a un terreiño... volvimos para a clase coa nosa captura. Collimos entre todos 39 caracois!!!!
Levámolos para clase nunhas caixiñas de plástico transparente con tapa, pero alí non poderían estar moito tempo pechadas así que... ao chegar á clase puxémolos entre uns espellos que tiña a profe. ASí, debía de ser ao verse neles, pensaban que había outros caracois e movíanse moitísimo. Bueno... tanto, tanto que sempre había alguén de garda con eles para vixiar que non se escaparan.

Ao sonar o timbre para ir ao patio a profe levou os caracois tamén para fóra, eran a atracción do patio (para pequenos e maiores) así que... deixámolos alí para que os viran e despois soltámolos para que puidesen buscar comidiña e sobrevivir.
Outro día podemos coller máis, pero de momento para ver o seu corpo, como son, como se baban!!!!!! xa nos chegou con esta breve visita.
Logo traballamos sobre as súas partes do corpo na clase, e xa sabemos que teñen unha cuncha, unha cabeza, un pé musculoso e uns tentáculos.

APRENDEMOS E SORPRENDÉMONOS!

Porque cada día veñen os peques cargadiños de cousas: materiais para explicarnos, informacións de libros e internet, xogos, contos, material para a prantación do horto, elementos para mirar e examinar coa lupa...

Cada día miramos o que pasa coas nosas legumes e prantas... pero desta vez, tras pasar a fin de semana polo medio, alucinamos co cambio!!!! Canto medraron!!!
Unha curiosidade:
Todas as piñas (grandes, medianas e pequenas) están na mesma bandexa con auga (a mesma cantidade para todas) e as que brotaron de momento foron as pequenas porque lles debe chegar ben a auga e ás grandes non lles chega, temos que botarlle máis.
Os garabanzos teñen xa unha coliña considerada nos que están ben regados, mentres que nos que quedaron máis secos non ocorreu nada. Hai que seguir mollando o algodón e esperar a ver que pasa.

Xa nos ensinara cousiñas do horto cunhas fotos del mesmo no horto de seu avó. Viramos calabacines, patacas, flores... e hoxe falounos de insectos.
Temos claras 3 cousas:
- Teñen 6 patas (as arañas non son insectos porque teñen 8 patas, entre outras cousas)
- Teñen o seu corpo dividido en 3 partes
-Hainos de moitas formas, tamaños e cores.

Como vedes non estamos perdendo o tempo e cada día aprendemos algo novo. Hoxe sobre papel estivemos vendo as fases da xerminación e crecemento dunha semente. Quedaramos tan abraiados ao ver as lentellas coas súas folliñas verdes que había que aproveitar a ocasión.

LECTURAS NO NOSO PROXECTO INVESTIGADOR

Con cada conto e libros específicos de xardinería, animais... imos aprendendo cousiñas, isto só é o comezo!!!! xa veredes o que somos capaces de facer!!!

CHEGOU A PRIMAVERA!!! A PRANTAR!!!!

Legumes e hortalizas foron as primeiras elixidas para experimentar dentro deste proxecto de investigación que vimos de comezar.

Así, botamos lentellas en piñas que temos colocadas verticalmente sobre bandexas plásticas con auga no fondo, para ir analizando que sucede cada día...

Tamén prantamos con garabanzos sobre algodón, e os temos colocados nas fiestras para que lles de ben o sol, e para poder observar ben os cambios que se producen neles...

Nas legumes xa imos vendo como rapidamente están xerminando... pero... E por que non prantar tomates? Pois claro que sí, pero fixemos un experimento e despois co paso dos días iremos chegando a conclusións. Prantamos rodaxas directamente tapándoas cun pequeniño manto de sustrato. Que ocorrerá?

INICIO DE TRIMESTRE CON NOVIDADES

Comezamos eliminando un recanto, o dos disfraces, e insertando un recanto de experimentación e observación da natureza. Como queremos traballar neste trimestre para observar bichiños e prantas, máis ben con todo o relacionado co mundo do horto, e é un tema tan amplo que precisamos espazo para poder investigar e experimentar.
Pouco a pouco, coa vosa axuda (familias) imos conseguindo crear un novo espazo, que está tendo moitísimo interese para os nenos e nenas cada día. Son moitos os que queren ir a coller a lupa para mirar a ver se atopa algún bichiño pola clase, outros van mirar o almanaque de bolboretas, outros collen revistas ou contos da temática, e por suposto son claves os bichiños en metacrilato!!!! todos queren collelos!!!!